ببساطة | إزاي تستخدم Google Search Console؟
كتبنا الأمس عن ادوات Google او المشهورين منها لشغلك بشكل مجاني.
خلينا نشرح اليوم أولهما ..
أول أداة لازم تستخدمها لو عندك موقع
أو ناوي تبدأ في السيو
هي Google Search Console
واختصارها: GSC
طيب… GSC بتعمل إيه؟
دي الأداة اللي جوجل بيكلمك من خلالها بتديك معلومات فعلية عن:
هل جوجل شايف موقعك؟
الناس بتدخل على موقعك من أي الكلمات؟
هل في صفحات غير مؤرشفة؟
هل في أخطاء بتمنع جوجل من الزحف لموقعك؟
طيب اي هي أهم المصطلحات جوه Google Search Console:
Performance = الأداء
يعني عدد مرات الظهور في جوجل + عدد الضغطات + ترتيبك في النتائج.
Coverage = التغطية
يعني الصفحات اللي اتأرشفت واللي فيها مشاكل.
Sitemaps = خرائط الموقع
تساعد جوجل يزحف لموقعك بشكل منظم.
Mobile Usability = سهولة التصفح على الموبايل
هل موقعك مناسب للموبايل ولا لأ.
Manual Actions = عقوبات يدوية من جوجل
لو جوجل شايف إنك بتخالف السياسات.
تستخدم الأداة دي إزاي؟
هتدخل على: https://search.google*com/search-console
تسجل الدخول بالإيميل
تضيف موقعك
تثبّت ملكيته (عن طريق DNS أو ملف HTML)
ترفع Sitemap لو عندك لو معندكش تابع القادم هنشرح نعملها صح ازاي "بمشيئة الله".
تراجع البيانات اللي بتبدأ تظهر بعد يومين لـ 3 أيام
إزاي تستفيد منها فعليًا؟
تعرف إيه الكلمات اللي فعليًا بتجيبلك زيارات
تكتشف صفحات مش بتظهر وتبدأ تراجعها
تتأكد إن الزحف شغّال، ومفيش صفحات فيها Errors
تتابع التقدم في الترتيب بعد ما تطبق أي تحسينات
نصيحة أخيرة :
افتحها كل أسبوع وخلّيها مرجعك الصغير مع جوجل لإن فعليا دي أكثر أداة هتفيدك لو فعلاً عايز تبني موقع بيظهر ويتصدر.